| vicky 的个人资料Fa Fa的小花园照片日志列表 |  工具  帮助 |
|
Fa Fa的小花园§ My Love , My Dream § 话甘快又半年过去了……我的space都生草噜～～
最近都在qzone度写野，因为实在在少F玩msn。不过系qzone度写野会比人“报寸”，睇既人确实唔少，不过都有隐忧。
唉，人啊！点解甘复杂呢？！搞到我都唔敢发泄了！
09年又过左一半了，真系过得快！尼半年我都唔知自己做左D乜！野又学唔成，钱又储唔到！真失败！
吖妈话我：“做野甘耐都无个钱剩！”系啊，做野2年，好耐咩？我都未过到我想过既生活。
过得开心就得啦，剩甘多钱做咩？！话唔定行下行下就比车撞死，甘有咩用？
“及时行乐”永远都系我既宗旨。千其唔好话等我储到XX钱之后我就要XXX。无用咖，当你储到既时候可能计划又改变咯！
加油～～我要稳好多好多钱…… 不吐不快 今日科室开了一个批斗大会，原因系有一个病人投诉。
吖头话：“尼个病人投诉既导火线系距隔离床个个病人A，吖A系我地科住过一晚，好翻之后转左落去周街同人讲：icu好衰咖，叫极都无人理咖！要丢野先有人理咖！”
再结合投诉个个病人本身既问题，于是矛头就指向我地科喇～～而刚好，吖A住果一晚，我又系管距咖哦！于是矛头又指向我了……
我左林又林，终于都比我林起个个叫“盛XX”个小梅喇～～距由一开始转入就已经唔满意咖啦，做左头部既手术，点样训都话唔舒服，成晚话要转走。解释肯定解释过了，服务亦肯定服务过了！可是人家唔满意甘可以点呢？吹咩？投诉咯，投饱距咯！你米唔好系度做手术咯！系度就要遵守下D规则先得咖！！高官大晒啊？有钱大晒啊？
最嬲既就系吖头好武断甘讲左句：“你地夜晚肯定坐埋一齐倾计无理病人啦！你已经唔系第一次比人甘讲喇，平时唔话你唔代表你做得好好！”
听完之后我觉得好恐怖啊！原来尼个科室到处都有金手指，会系你不知不觉间杀死你都唔知道！而且吖头都系D笑里藏刀兼且好武断既人！尼个“社会”太复杂喇！
出左事既话，医生系唔会帮护士讲说话既，只会自保！所以我好憎，超憎D医生。乜都可以系距讲晒！最弊吖头一句：“我唔理医生果一part系点咖，我只会理我地D护士！”一句就足以杀死你……
医生们如果同吖头打小报告，距就会记住咖波！但相反，我地甚少同吖头打医生们既小报告。于是久而久之，医生就成为左吖头既忠实“线人”喇！
我想问：“由本身都有问题既医生把口讲出黎既野，可信性有几高呢？”事物都有两面性咖，stupit～～
怕我地系网上讲黎讲去，但我偏偏就系要写出来先发泄到啊！无人可以比我闹，我唯有写出来咯！唔发泄我会激死咖！
点解会变成甘既状况咖？岩岩做野个阵仲觉得D人好nice，先一年就令我觉得“人”太恐怖了!有问题唔系当面同你讲，而系系你背后打小报告，最睇唔起尼D“小人”！！
唉，真系不吐不快啊！
工作一年，系尼个“密封”既环境里面令我认识到各形各色既“人类”：小男人、婆妈型、窝囊型、小气型……
我承认我本身都有存在问题，但就受唔住尼D气！！！大大方方同我讲唔得咩？要甘样打小报告？点解我要妥协啊？点解我要“理解”人地，换位思考啊？人地唔可以理解我地咩？难道我低人一等吗？低人一等就要受气，就要“忍”？中国唔系无产阶级吗？点解有甘多阶级观念既？
点解……点解……点解……
唔明啊！！！好迷…… 完全无晒gas 连续踩左5日夜班，累得真系无法用言语可以形容。
今日早上落班，训左一个不怎么样既教之后爬去上课。连唯一一个夜班转日班既休息小下午都要去上课，我真系不得不佩服一下自己。上课一上上到差不多9点，翻到屋屋十点半……听日仲要翻7点半，后日又接着上4日既夜班……
我完全无晒意见……
甘样既生活我可以唔胃痛咩？上左甘多日夜班个胃就痛左甘多日。然后今日又无吃晚饭……想问下：医院会唔会比翻D类似甘样既补贴我啊？唔会吧！！就连体检都系得正式工先有，我地合同工？——死左先睇你啦～～话唔定死左都无人理！
不得不承认自己系辛苦命，当年就系差个那么几分就读上本科。结果要辛苦3年去读个夜大之余仲要比4000蚊一年既学费！唉……无言……
又话有人黎检查了，吖头们甚紧张，忙于“培训”我地，要每个人考试都过关。听讲仲要系人地检查之前“拿拿声”开始上全新既班表——全夜班！！！
oh,my god～～～～形式化形式化……
11个钟头既夜班，21点上到第二日8点！！理由系——减少交接班次数！！！本来唔想甘激进，但实在想好大声好大声甘讲：“林到尼D班既人系米无脑兼变态咖？？？你地自己唔试下上？就算人地外国或者香港系甘样上，我地就要学人咩？又唔学下人地几多假几高工资啊？？工资唔见我多左，做既野同挨夜就多左。”想反问一句：“系甘既精神状态下可以保证出错机率会少D咩？”所以话，中国既形式化主义……
有人讲到：“‘人地’认为病人系人，我地唔系人吖嘛～～！”好啊～～既然系甘，不如来个护士大罢工点睇呢？真系觉得我地太唔识保护自己既权益了！人地巴士司机都试过罢工，不如我地都试下咯，睇下会有咩结果？话唔定有人睇左之后去报寸，然后先以莫须有既罪名开除我出党，然后再来个暗杀！！
哈哈～～甘都好喔，反正我觉得做人真系无咩意思！！如果系死之前可以做到一次革命性既举动就好了。
 不过唔好比人扼杀于怀中就得了！ 点解会做得甘辛苦呢？人地系调转头“求”你做野而唔系好似我地甘“劝”病人治疗？
因为我地要讲服务，要讲态度。
一唔满意病人就投诉你，反正大把人排住队等你个位，距睇病又唔洗钱，公费医疗既，因为以前系领导啊，你米得罪距啊！！
总结黎讲就系中国太多人了，而且步入人口老龄化既阶段。生老病死系人既自然演变，用国家既钱，纳税人既钱去“吊”住一个“老”干部既命，距既家人甚至乎“靠”尼一笔钱可以衣食无忧，所以点都要求医生尽力救，而且态度极为嚣张，因为倚仗自己“有钱”。唉，中国既制度啊……
“老”干部系要优待，但唔可以成世都包晒距D医疗费用咖？计我话就应该按级别一次过比一大笔钱，几十万又好，几百万都好，反正都系纳税人D钱。不过甘样一来我相信好多家属挨唔到几耐就“放弃”治疗了，而且医护与病人之间既关系肯定改变，我地唔洗卑躬屈膝甘做野了！比人睇唔起，觉得好似“应份”甘了～～可以大大声甘讲野了！
再唔系就投一个原子弹，同归于尽好了！哈～～我自杀无勇气啊！
今时今日尼个甘既世道，我完全无野讲了，夜已深，我都系训教教，养好D皮肤咯！～～ 好郁闷 好想……
好想……
好想……
点解中奖既永远吾系我？
点解比人闹既总是我？
点解人可以生存甘耐？
点解？……
点解？……
点解？…… 假如我是一只牛 尼几日休息，我好似就系度浪费光阴，做乜都无动力，心情起伏不定。我都好讨厌甘样既自己！
突然好想有全世界就得我一个人既感觉——无争吵，无疑问，远离世俗既烦嚣……
于是我关左手机……静静地系屋企享受一个人既感觉！
有自己既一个空间确实好好。吾喜欢面对世人时就将自己关系房里面，做自己喜欢做既事情，想自己喜欢想既事。有得静下来既感觉确实好正，可以整理一下自己一些生活中的碎片，做好下一次起跑既准备！
有时候真系觉得自己太“自我”了。我挺喜欢一句说话：“我爱你，所以吾想勉强你；但我更爱自己，所以我更吾会勉强我自己。”回想一下，我好似真系从来都吾勉强别人，我觉得勉强别人无咩好处。吾中意米吾中意咯！反正你也不可以勉强我！！“事物是不以人的意识为转移的！”甘样林系米好自私呢？Anyway，衣家既我讲咩都无人会听，亦都影响吾到人，感觉好失败添！
ah……点解人既大脑发育得甘缓慢咖？！如果可以将产生烦恼既个一区域全部delete晒就好了！甘就会好似只牛甘日做夜做都无怨言，比人闹都吾会嬲，亦吾会同人闹交噜，人生简单几多啊！
我成日系度假设我既未来会系甘样，甘样，又或者系甘样……但好似缺少一个可以同我一齐奋斗既人！从来我都好讨厌个D庸庸碌碌过一生既人！我楼下就有成扎甘样生活既人——粗俗，无文化，混日子，等钱开饭，得过且过……生存对于距地黎讲好似系多余既，但系又怕死！每个人都想好快乐好享受甘过一世咖！我都想有百万身家吾优吃吾优住啊！但有无可能先得咖？！“少壮不努力，老大徒伤悲”啊！努力左，吾成功系无人怪你的；相反成日得把口讲：“车！我吾发力姐，想学想做既话绝对做得到！”讲——我都识讲，但做就吾系人人都做到！最讨厌D得把口讲既人！难怪富豪永远都系少数身体力行既人做到！
假如我系一只牛，吃饱就耕下田，训下教，生活几写意哇！最多比人罗去宰割姐！死左仲可以满足一下人类既口福之欲，吾洗晒钱去医，反正医翻都晒药费！
无无聊聊又到八点，都系去睇下奥运啦！听日又要翻工噜！！
|
|||||||
|
|
